香港新浪網 MySinaBlog 精選話題工具
« 上一篇 | 下一篇 »
CKY | 11th Aug 2008 | 一般 | (1244 Reads)

同好多人一樣
每次去日本, 我都去 outlet 睇下有沒有好東西執

可是, 我都會選一些香港人唔會去的 nike outlet 去睇
個個都識去海濱幕張, 白濱, 大阪門真南, 御殿場, 南千歲
一入到去, 撞口撞面都是講廣東話的香港人
本來都冇乜野
但係頭兩, 三去
見到 D XX 旅行團, 一家大細晌入面大聲高談
死小孩晌度跑來跑去, 拎波黎拍
可以話... 完全影衰晒香港人
所以之後我都儘量唔會去呢幾處地方
(但係例外就冇辦法.. 例如全北海道得新千歲一間
你唔通叫我落番去本州咩....)

即係咁, 見到個個都話去御殿場
但係又嫌要坐兩三個鐘的巴士/火車入去唔化算
白濱, 海濱幕張咪都要坐最少一個鐘火車
(如果唔識坐快車, 時間倍增)
其實呢... 包含東京的關東地區最少仲有其他四個
唔駛坐新幹線去小田原轉御典場線咁大陣象
(成本都賠埋)
識坐車, 比起去上面果幾個係節省唔少時間
又可以避開 D 羊群
當然代價就係.. 晌呢 D 地方唔好期望佢地會識用英文搭你
上網查其實唔難啫....

好似早兩日, 我晌神戶
朝早去完睇明石大橋同埋博物館
(呢 D 都係香港團唔會去的地方),
然後坐一個站去垂水, 再轉接駁巴士就去到
另一邊.. 有馬
溫泉果頭又有另一間
(呢間就真係隔涉 D, 但係識落車轉巴士就不難找到)
全日本都有頗多 nike outlet
唔駛要迫埋晌三四間下話...