其中部門主管穿上了 09 年版螢光黃 max 95落嚟
(well... 不要管點解會著 Max 95 打波先)
他一邊熱身, 一邊跟正在場邊休息的我傾計

主管: CKY, 呢對鞋 (指 Max 95) 我都曾經見過你著過喎
我: 係呀, 晌上次復刻時買的, 都差唔多幾年了
主管: 呢隻色我以前都好想買, 不過次次都買唔到, 今次見到終於都俾我買到喇
我: 咁咪唔錯囉, 圓咗你的一個心願, 同埋呢對又真係好 sharp
主管: (點頭) 個配色真係好型, 配牛仔褲應該唔錯, 不如下次你又著返黎呀....
我: 無所謂, 既然大家都鐘意, 不過你呢對新落地, 新簇簇又靚仔, 我果對已經頗殘舊了...
(下略)

當晚, 我就晌鞋盒度拎番對螢光黃出嚟啦, 點知可能太耐冇著, 右腳的鞋底甩了出來, 後半塊吊吊 fing, 可幸是氣塾部份仍然沒有甩出來, 且仍然是脹卜卜的。不過, 如果就咁著出去, 唔好話鞋底一定甩晒出來, 氣囊亦隨時會被壓爆。

似乎再買過一對是走不了的

但今天走遍花園街, 發覺好多間都已經沒有買螢光黃色, 反而有的是另一款灰橙色的...

灰極了...